Adidas جانە Puma نىڭ قۇرىلۋ تاريحى نەمەسە اعايىندىلار قۇرعان قوس ماركا - كەرۋەن تورابى

Adidas جانە Puma نىڭ قۇرىلۋ تاريحى نەمەسە اعايىندىلار قۇرعان قوس ماركا

Adidas جانەPuma– سپورتتىق كيىمدەر مەن تاۋارلار، پارفيۋمەرلىك ونىمدەردى شىعاراتىن تانىمال برەندتەر. الەمگە بەلگىلى قوس كومپانيانى اعايىندى داسسلەرلەر قۇرعان. سايتىمىز Adidas جانەPuma نىڭ قۇرىلۋ تاريحىن نازارىڭىزعا ۇسىنادى.

ءوندىرىستىڭ باستالۋى

1898- جىلى حەرتسوگەناۋراح قالاسىندا داسسلەرلەر وتباسىندا ءۇشىنشى بالا  –  رۋدولف، ەكى جىلدان سوڭ  –  ادولف دۇنيەگە كەلدى. ولار ەر جەتكەنشە كيىم جۋۋشى بولىپ جۇمىس ىستەگەن انالارىنا كومەكتەستى. ال وسكەن سوڭ اكەلەرى جۇمىس ىستەيتىن اياق-كيىم زاۋىتىندا قىزمەت ەتەدى.

ءبىرىنشى دۇنيەجۇزىلىك سوعىس كەزىندە مايدانعا ءۇيدىڭ ۇلكەن بالالارىن شاقىرتادى. ادولف جاسى جەتپەگەندىكتەن سوعىسقا اتتانبايدى. ال رۋدولف بەلگياعا بارادى. ادولف سوعىستىڭ سوڭعى كەزەڭىنە دەيىن ناۋبايحانادا جۇمىس ىستەيدى. الايدا سوعىستىڭ اياعىندا مايدانعا شاقىرىلىپ، 1919- جىلى قايتا ورالدى. وتانعا ورالعان سوڭ ادولف اكەسىمەن بىرىگىپ اياق-كيىم ءوندىرىسىن باستايدى.

سوعىستان كەيىن گەرمانيا ۇلكەن داعدارىستى باسىنان وتكەردى. سوندىقتان ساپالى، قىمبات ءونىم جاساۋدىڭ ەش ءمانى بولمادى. ادولف ءوز زاۋىتىندا جويۋعا جىبەرىلگەن اسكەري كيىمدەر مەن كولىك دوڭگەلەگىنەن اياق-كيىم دايىندادى.

رۋدولف ميۋنحەنگە اتتانىپ، پوليتسەي كۋرسىن اياقتايدى. ءبىراق ماماندىعى بويىنشا از ۋاقىت جۇمىس ىستەپ، بىرنەشە كومپانيادا ساتۋ مامانى قىزمەتىن اتقارادى. 1924 جىلى ءىنىسىنىڭ شاقىرۋىمەن سپورتشىلارعا ارنالعان اياق-كيىم تىگۋ ىسىمەن شۇعىلدانا باستايدى. رۋدولف ءونىمنىڭ ساتىلۋىنا، ادول اكەسىمەن بىرگە تولىعىمەن ءوندىرىس بارىسىنا جاۋاپ بەردى.

العاشقى جەڭىس

«اعايىندى داسسلەرلەر» كومپانياسىنىڭ ءونىمى جىلدام تارالدى. مۇنىڭ سەبەبى  –  ادولف ويلاپ تاپقان بۇدىر تاباندى اياق-كيىم. ول سپورتشىلار اراسىندا ۇلكەن سۇرانىسقا يە بولدى. بۇدىر تابان كروسسوۆكانىڭ ءتوزىمدىلىن قامتاماسىز ەتتى. ال ارنايى ۇلتاراق وزگە سپورتتىق كيىمدەرگە قاراعاندا وتە ىڭعايلى ەدى. 1928- جىلى استەردامدا وتكەن وليمپيادا ويىندارىنىڭ كەي قاتىسۋشىلار داسسلەرلەر جاساعان اياق-كيىمدە ونەر كورسەتتى. كەلەسى وليمپيادا جارىسىندا وسى اياق-كيىمدى كيگەن سپورتشى مەدال جەڭىپ الدى.

كومپانيانىڭ دامۋىنا بيلىكتىڭ اۋىسۋى ۇلكەن پايداسىن تيگىزدى. ۇلتتىق-سوتسياليستىك پارتيا سپورتقا كوپ كوڭىل بولگەن. 1936- جىلى بەرليندە وتكەن وليمپيادا ويىندارى كەزىندە اعايىندىلار باتىل شەشىم قابىلدادى. ولار امەريكالىق قارا ءناسىلدى سپورتشى – دجەسسي وۋەنمەن كەلىسىم جاسايدى. ءبىراق ولاردىڭ ءۇمىتى اقتالدى. دجەسسي قاتارىنان 4 التىن مەدال جەڭىپ، الەم رەكوردىن جاڭارتادى. فيرما ودان ءارى تانىلا ءتۇسىپ، سۇرانىس ارتتى. كومپانيا كۇنىنە 1000 جۇپ كروسسوۆكا دايىندادى.

ءبولىنۋى

بيلىك اۋىسقان سوڭ، اعايىندىلاردىڭ دا ويى ەكى جاققا ءبولىندى. ادولف مەملەكەتتىڭ يدەولوگياسىنا ءوز سەنىمسىزدىگىن ءبىلدىردى. ەكىنشى دۇنيەجۇزىلىك سوعىس ونەركاسىپكە كوپ زيانىن تيگىزدى. داعدارىس باستالىپ، ەكىنشى زاۋىتتى جابۋعا تۋرا كەلدى. ال اعايىندىلار سوعىسقا شاقىرتىلىپ، كومپانيا اسكەري كيىم ءوندىرۋ ءۇشىن مەملەكەتتىڭ قاراماعىنا ءوتتى. الايدا ءوندىرىس قاجەتتى دەڭگەيدە بولماعاندىقتان، ادولفتى سوعىستان قايتا شاقىرتتى.

رۋدولف مايدانعا اتتانىپ، تۋشين قالاسىندا باسپا بولىمىنە جىبەرىلەدى. 1945- جىلى رۋدولفتى قاشۋعا تىرىسقانى ءۇشىن اباقتىعا قامايدى. لاگەرگە بارار جولدا ونى امەريالىق ساربازدار بوساتىپ العان. دەگەنمەن سوعىس اياقتالعان سوڭ رۋدولفتى قايتا تۇتقىندايدى.

رۋدولف ءوزىنىڭ قاماۋعا تۇسكەنىنە ءىنىسىن ايىپتايدى. وسىلايشا اعايىندىلار اراسىنداعى قارىم-قاتىناس بىرتە-بىرتە بۇزىلادى. 1948- جىلى ولار كاسىپتى ەكىگە ءبولۋدى ۇيعارادى. قىزمەتكەرلەردىڭ كوبىسى ادولفتىڭ جانىندا قالادى. ال كروسسوۆكالار ەكى ءتۇرلى كومپانيادا جاسالدى. وسىلايشا ءبىر قالادا ەكى اياق-كيىم ءوندىرىسى– «Adidas» جانە«Puma» پايدا بولدى.

اعايىندىلار اراسىنداعى باسەكە ۇزاققا دەيىن جالعاستى. ءبىر-بىرىنەن وزۋ ءۇشىن قارقىندى جۇمىس ىستەدى. قالا ەكىگە ءبولىندى. ەكى زاۋىتتىڭ قىزمەتكەرلەرى ءبىر داستارحان باسىندا تاماق ىشپەگەن. رۋدولف پەن ادولف بىرنەشە رەت قۇپيا كەزدەسسە دە، كەلىسىمگە كەلە الماعان. بۇگىنگى كۇنگە دەيىن ارالارىنداعى ارازدىقتىڭ ناقتى سەبەبىن ەشكىم بىلمەيدى.

قاينار: يىنتەرنەتتەن | رەداكتور: ايگەرىم | كورىلىم : 124 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز