امانسيو ورتەگا Zara برەندىنىڭ نەگىزىن قالاۋشى نەمەسە ساتۋشىنىڭ ءسوزى ۇلى برەندتى قۇرۋىما سەبەپكەر بولدى - كەرۋەن تورابى

امانسيو ورتەگا Zara برەندىنىڭ نەگىزىن قالاۋشى نەمەسە ساتۋشىنىڭ ءسوزى ۇلى برەندتى قۇرۋىما سەبەپكەر بولدى

Zara برەندىن جۇلدىزدان باستاپ قاراپايىم ادامعا دەيىن تۇتىنادى. بۇگىندە برەندتىڭ الەم بويىنشا 7485 دۇكەنى بار. سايتىمىزدىڭ بۇگىنگى تاقىرىبى Zara برەندى جايلى بولماق.

ۇمىتىلماس ەستەلىك

«مەنىڭ جاسىم 12 دە بولاتىن. ءبىر كۇنى اناممەن دۇكەنگە باردىم. دۇكەننىڭ سورەلەرى بيىك بولاتىن. انامنىڭ كىممەن سويلەسكەنىن كورمەدىم. ءبىراق «دجوزەف مەن ساعان تاۋارلاردى ەندى قارىزعا بەرە المايمىن» دەگەن داۋىستى ەستىدىم. قانشا ۋاقىت وتسە دە سول داۋىستى ۇمىتپايمىن. (امانسيو ورتەگا)

ەستەلىكتىڭ ماقساتقا اينالۋى

وسى كۇننەن باستاپ امانسيو ماقسات قويادى. اناسىنىڭ قارىز سۇراپ جۇرگەنىن قالامايدى. مەكتەپتى تاستاپ لا-كورۋنيا قالاسىنداعى تىگىن شەبەرحاناسىنا ساتۋ جاعىنان اسسيستەنت بولىپ جۇمىسقا ورنالاسادى. 17 جاسىندا شەبەرحانادان كەتەدى. كوپ ۇزامايLa ماјا كومپانياسىنا اسسيستەنت بولىپ قابىلدانادى. كومپانيادا ونىڭ اعاسى انتونيو مەن اپكەسى پەپيت جۇمىس ىستەيدى. جاڭا جۇمىس ورنىندا امانسيو مەنەدجەر قىزمەتىنە دەيىن كوتەرىلدى. وسى جەردەن بولاشاق جارى روزاليا مەرامەن تانىسادى.

Zara برەندىنىڭ قۇرىلۋى

La Maja كومپانياسىندا 2 جىل جۇمىس ىستەيدى. جەكە تىگىن بيزنەسىن اشۋ ءۇشىن كومپانيادان شىعىپ كەتەدى. اعاسى انتونيومەن بىرگەGOA كومپانياسىن قۇرادى. اپكەسى مەن روزاليا وسى كەزدەگى ءساندى ءارى تانىمال حالاتتاردى تىگىپ شىعادى. وتباسىلىق شەبەرحانا ۇلكەن جەتىستىكتەرگە جەتەدى. امانسيو شەت ەلدەردەن تاپسىرىس قابىلداي باستايدى. اراعا 10 جىل سالىپ 1975- جىلى 15- مامىردا لا-كورۋنيا قالاسىندا ءبىرىنشىZara دۇكەنىن اشادى.

امانسيو تانىمال برەندتىڭ كيىمدەرىنە كوشىرمە جاساپ، ونى ارزان باعادا ساتۋدىڭ ءتيىمدى ەكەنىن تۇسىنەدى. سوندىقتان از ۋاقىت ىشىندە ونىڭ دۇكەندەرى بۇكىل يتاليانى جاۋلاپ الدى. Zara برەندى ەندى الەمدى باعىندىرۋعا كىرىسەدى. 1988- جىلىZara دۇكەنى پورتۋگاليادا پايدا بولدى. ءبىر جىلدان كەيىن نيۋ-يوركتە، ال تاعى ءبىر جىل وتكەن سوڭ پاريجدە اشىلادى.

برەندتىڭ باستى ماقساتى– ساتىپ الۋشىلارعا ءساندى، ساپالى، قولجەتىمدى كيىمدەردى ۇسىنۋ.

امانسيو ورتەگا تەكZara برەندىمەن شەكتەلمەيدى. 1991- جىلىPull&Bear دۇكەنىنىڭ نەگىزىن قالايدى. جاستارعا ارنالعان كۇندەلىكتى كيىمدەر توپتاماسىن ۇسىنادى. 1998- جىلىBershka جانەStradivarius دۇكەنىن اشادى. قىزدارعا ارنالعان ەرەكشە ستيلدەگى كيىمدەردى جاساپ شىعارادى. بۇگىندە بۇل دۇكەندەر الىمدىك برەندتەر قاتارىندا.

Zara نىڭ باعىتتارى

ZARA Woman. ىسكەرلىك جانە كەڭسەگە ارنالعان كيىمدەر توپتاماسى. جىبەك، ءجۇن، ماقتادان دايىندالادى.

ZARA Man. كلاسسيكالىق ستيلدەگى كيىمدەر. تابيعي ماتادان دايىندالادى.

ZARA TRF (Trafaluc). بولسا 25 جاسقا دەيىنگى جاستارعا ارنالادى. سينتەتيكا جانە تابيعي ماتادان تىگىلەدى.

ZARA Kids. بالالارعا ارنالعان كيىمدەر توپتاماسى. تەك تابيعا ماتادان تىگىلەدى.

برەند جايلى فاكتىلەر

جىلىنا 10000 عا جۋىق جاڭا ديزاينداردى ازىرلەيدى؛

كيىمدەر توپتاماسى 2 اپتا سايىن وزگەرىپ وتىرادى؛

كوپتەن بەرى جارناماسىز جۇمىس ىستەيدى. ال ۇنەمدەلگەن اقشاعا جاڭا ساۋدا نۇكتەلەرىن اشۋعا جۇمسايدى؛

كيىمنەن باسقا ۇيگە ارنالعان زاتتاردى شىعارادى. Zara Home كومپانياسى 2003- جىلى ىسكە قوسىلدى؛

بۇگىندە الەمنىڭ 72 ەلى بويىنشا 7485 دۇكەن بار؛

امانسيو ورتەگانىڭ مۇراگەرى  –  قىزى مارتا ورتەگا.

قاينار: يىنتەرنەتتەن | رەداكتور: ايگەرىم | كورىلىم : 175 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز