SpaceX عارىشكەرلەردى ايعا ۇشىرادى - كەرۋەن تورابى

SpaceX عارىشكەرلەردى ايعا ۇشىرادى

يلون ماسكتىڭSpaceX كومپانياسى عارىشكەرلەردى ايعا اپارۋ تۋرالىNASA كونكۋرستىق باعدارلاماسىن جەڭدى.

بۇل كونكۋرسقاAmazon-نىڭ نەگىزىن قالاۋشى دجەفف بەزوستىڭ لوكحيد مارتين، نورتروپ گرۋممان جانە درەيپەرمەن كۇش بىرىكتىرگەنBlue Origin-دە كەلىسىمشارتىن ۇسىنعان بولاتىن.

ءبىراق ناتيجەسىندەSpaceX-كە 2.89 ميلليارد دوللارلىق كەلىسىمشارت جاسالدى. كومپانياArtemis باعدارلاماسىنىڭ اياسىندا عارىشكەرلەردى ايعا اپارۋ ءۇشىن قونۋ ءمودۋلىن جوبالايدى جانە سالادى.

باعدارلامانىڭ ءبىرىنشى كەزەڭى 2021- جىلعا جوسپارلانعان. ونىڭ اياسىنداSpace Launch System زىمىرانىنا ورناتىلعان «وريون» عارىش كەمەسى ايدى اينالىپ ۇشىپ، جەرگە ورالادى دەپ جوسپارلانعان. ەكىنشى كەزەڭدە، 2023- جىلى كەمە ەكيپاجىمەن بىرگە ايدى اينالىپ وتەدى. ال ايعا قونۋ 2024- جىلعا جوسپارلانعان.

Artemis عارىش باعدارلاماسىن ا قش ۇكىمەتى قارجىلاندىرادى. ونىڭ ماقساتتارىنىڭ ءبىرى– العاشقى ايەلدى جەرسەرىككە جىبەرۋ. NASA بۇل باعدارلاما ايدا تۇراقتى قونىس قۇرۋ قادامى بولادى دەپ ۇمىتتەنەدى.

ايدا اتى قالعان ايەلدەر

عالىمداردىڭ ايتۋىنشا، عارىشكەرلەر ءبىر اپتا ىشىندە ايدا ءتۇرلى ۇلگىلەردى جيناپ، ءبىرقاتار عىلىمي تاجىريبەلەر جاسايدى. سودان كەيىن ولار اي وربيتاسىنا ورالىپ، وريون عارىش كەمەسىنىڭ كومەگىمەن جەرگە قايتادى.

باعدارلاما بارىسىندا روبوتتار مەن عارىشكەرلەر ايداعى سۋ سياقتى رەسۋرستاردى ىزدەيدى. سودان كەيىن مۇنداي قورلاردى باسقا پايدالى قورلارعا، مىسالى، وتتەگى مەن وتىنعا اينالدىرۋ ءۇشىن زەرتتەۋ تاجىريبەسى جۇرگىزىلەدى. جاڭا وزىق تەحنولوگيا ارقىلى عارىشكەرلەر ايدا ۇزاق قاشىقتىققا ساياحاتتاپ، ۇلكەن ايماقتى زەرتتەيدى.

ەۋروپالىق عارىش اگەنتتىگى(ESA)، جاپونيا، كانادا، اۋستراليا، ۇلىبريتانيا جانە باسقا دا ءبىرقاتار ەلدەر عارىش باعدارلاماسىنا قوسىلدى. رەسەي ا قش-پەن بىرلەسكەن باعدارلاماعا قاتىسۋدان باس تارتتى.

قاينار: يىنتەرنەتتەن | رەداكتور: سارماي | كورىلىم : 111 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز