يۋنەسكو ستوۋنحەندجدى الەم مۇراسى مارتەبەسىنەن ايىرۋى مۇمكىن - كەرۋەن تورابى

يۋنەسكو ستوۋنحەندجدى الەم مۇراسى مارتەبەسىنەن ايىرۋى مۇمكىن

ستوۋنحەندج دۇنيەجۇزىلىك مۇرالار تىزىمىنەن شىعارىلۋى مۇمكىن. ەگەر ۇلىبريتانيا بيلىگى كونە تاستار جانىنان تۋننەل سالۋ جوباسىن قايتا قاراستىرماسا، بىرىككەن ۇلتتار ۇيىمىنىڭ ءبىلىم، عىلىم جانە مادەنيەت ءبولىمى (يۋنەسكو) وسىنداي شەشىم قابىلداۋعا ءماجبۇر بولادى.

يۋنەسكو ستوۋنحەندجدى جويىلىپ كەتۋ قاۋپى بار نىساندار تىزىمىنە قوسۋدى جوسپارلاپ وتىر. سەبەبى ۇلىبريتانياداعى باستى كورىكتى جەرلەردىڭ ءبىرى سانالاتىن بۇل نىسانعا زور حاۋىپ ءتونىپ تۇر. دەسە دە ۇلىبريتانيا ۇكىمەتى مۇنداي شەشىمدى وزگەرتە الادى. ولار A303 تاس جولى ءبىر بولىگىنىڭ مارشرۋتىن قايتا قۇرىلىمداۋ بويىنشا كولىك دەپارتامەنتى بەكىتكەن جوسپاردى وزگەرتسە، ماسەلە وڭ شەشىمىن تابادى.

ەستەرىڭىزگە سالا كەتەيىك، ستوۋنحەندج تاستارى ب. ز. د. 2500-3000- جىلداردا سولسبەري توبەلەرىندە سالىنعان. بۇل جەردە سالماعى 6 توننادان اساتىن كوپتەگەن تاس تابىلعان. ارنايى ءتۇزىلىپ قويىلعان. ولار نەوليت ءداۋىرى ادامدارىنىڭ قۇرىلىسى بولۋى مۇمكىن دەيدى عالىمدار. بۇل تاستاردىڭ نە ءۇشىن سالىنعانى ءالى كۇنگە دەيىن بەلگىسىز بولىپ كەلەدى. كەيبىرەۋلەر مۇنى مۇزدى قوزعالىستىڭ ناتيجەسى دەيدى.

ال ەندى بىرەۋلەر ونى وزگە عالامنىڭ ماقۇلىقتارى جاساعان دەگەن سەنىمدە. ەمدىك قاسيەتى بار دەگەن بولجام دا ارا-تۇرا ايتىلادى ەكەن. ەڭ كوپ قولداۋ تاپقان تەوريا – مولا بولعان. سەبەبى بۇل جەردە 2008- جىلى ادامداردىڭ قاڭقا-سۇيەكتەرى تابىلعان. ال ولاردىڭ جاسى نەوليت داۋىرىمەن تەڭەسكەن-مىس.

قاينار: يىنتەرنەتتەن | رەداكتور: سارماي | كورىلىم : 269 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز