قالاي تاماقتانۋ كەرەك؟ ىدىس- اياق سىرى - كەرۋەن تورابى

قالاي تاماقتانۋ كەرەك؟ ىدىس- اياق سىرى

ادام تاماقتى تويعانشا ىشەدى. ءبىراق ءبىر ادامدىق استى ىشكەننەن كەيىن دە تويماي قالاتىندار بولادى. نەلىكتەن؟ بۇگىن دۇرىس تاماقتانۋ تۋرالى كەڭەستەر بەرەمىز.

تاماقتانۋدا ىدىس- اياق تاڭداۋعا كوڭىل ءبولىڭىز. سەمىزدىكپەن كۇرەسىپ جۇرسەڭىز، ىدىس- اياقتىڭ ءتۇسى اشىق بولعانى دۇرىس. ال كەرىسىنشە، ارىق ادام بولساڭىز، ىدىس- اياعىڭىزدىڭ ءتۇسى قويۋ بولعانى ءجون.

مۇنى قالاي تۇسىندىرەمىز؟

ادامنىڭ تويۋى ىدىس- اياققا عانا ەمەس، تاماق تۇسىنە دە بايلانىستى بولادى. مىسالعا، تەز تاماقتانۋ ورىندارىن ەسكە الايىق، ونداعى ساندىك دەكوراتيۆتىك ديزاين بارىنشا قويۋ ءتۇستى بولىپ كەلەدى. قىزىل، قويۋ سارى جانە سارى تۇستەر كوپ. بۇل تۇستەر تابەتىمىزدىڭ اشىلۋىنا سەپ بولادى. بۇل ءادىس تاماقتانۋشى سانىن ارتتىرۋ ءۇشىن جاسالاتىنىن ۇمىتپايىق. ال قىمبات مەيرامحانالاردا تۇتىنۋشىلاردى ۇزاق ۋاقىت وتىرعىزۋ ءۇشىن سالقىن ءارى ادام پسيحيكاسىنا اسەر ەتپەيتىن تۇستەردەن قۇرىلعان ينتەرەر جاسالادى.

ونداعى مايلىقتار مەن ىدىس- اياقتاردىڭ ءتۇسى دە قوناقتاردىڭ تابەتىن اشۋ ماقسات قىلا وتىرىپ تاڭدالادى. اق ءتۇس ادام پسيحيكاسىن تىنىشتاندىرادى. تاعى ءبىر ايتا كەتەرلىگى، ەگەر تاماق ءتۇسى مەن ىدىس-اياق ءتۇسى بىردەي بولسا، ادام بالاسى ءوز مولشەرىن بىلمەي، كوپ تاماقتانىپ قويادى ەكەن، ياعني قانشا ىشىپ-جەگەنىن باقىلاي المايدى. كوفە نەمەسە شاي قارا قويۋ ءتۇستى ساپتى اياقپەن ىشىلسە ونىڭ ادامعا اسەرى كۇشتى بولادى. بۇل زاڭدىلىقتار تەك مەيرامحانالاردا قولدانىلمايدى. ءۇي جاعدايىندا ءسىز دە بۇل ەرەجەلەر ارقىلى دەنساۋلىعىڭىزدى تۇزەي الاسىز. ەگەر تەز ارادا تاماقتانىپ، تويعىڭىز كەلسە، قويۋ رەڭدى سارى، قىزىل ءتۇستى ىدىس- اياق تاڭداڭىز.

قاينار: ماسساگەت | رەداكتور: ايگەرىم | كورىلىم : 1070 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز