ءتىس پاستاسىنىڭ پايداسى جايلى نە بىلەسىز؟ - كەرۋەن تورابى

ءتىس پاستاسىنىڭ پايداسى جايلى نە بىلەسىز؟

ءتىس پاستاسى قانشالىقتى پايدالى؟ ءتىس ەمالىندە 4 مينۋت بولۋ ارقىلى ول قالاي كومەكتەسەدى؟ كاريەستى جويىپ، ءتىستىڭ ساۋلىعىن قالاي ساقتايدى؟ اۋىز قۋىسىنىڭ تازالىعى ءتىستىڭ ساۋلىعىن قامتاماسىز ەتەدى. ءتىس ششەتكاسى ءتىستى قالاي تازارتسا، پاستالار ونىڭ تيىمدىلىگىن ارتتىرادى. سايتىمىز ءتىس پاستاسىنىڭ پايداسى جايلى ماتەريالدى نازارىڭىزعا ۇسىنادى.

ءتىس پاستاسى جايلى تۇسىنىك

قاراپايىم ششەتكانىڭ كومەگىمەن تىستەگى تاماق قالدىقتارىنان تازالاۋعا بولادى. ال اۋىز قۋىسىنا قاتىستى وزگە دە ماسەلەلەر مەن اۋرۋلار تۋىنداعان جاعدايدا، دارىگەلەر بەلگىلى پاستا تۇرلەرىن پايدالانۋعا كەڭەس بەرەدى. ولاردىڭ قۇرامى مەن تىسكە تيگىزەر اسەرى دە ءار ءتۇرلى. پاستالار ەمدەۋ بارىسىندا قوسىمشا تەراپيا قىزمەتىن اتقارادى.

ءتىسىمىزدى نەلىكتەن تازارتامىز؟

اۋىز قۋىسىندا زياندى باكتەريالار–«Streptococcus mutans» ءومىر سۇرەدى. ولار كومىرتەك جانە تاعام قالدىقتارىمەن قورەكتەنەدى. بۇدان كەيىن باكتەريالار قىشقىل بولەدى. ءتىس ەمالىنە تيگەن قىشقىل ونىڭ بۇزىلۋى مەن كاريەستىڭ پايدا بولۋىنا اسەر ەتەدى.

باكتەريالاردىڭ كوپ شوعىرلاناتىن ورىنى– ءتىس وڭەزى. ول اۋىزداعى تاماق قالدىقتارىنان پايدا بولادى. وسى سەبەپتى مۇندا باكتەريالار ءومىر ءسۇرىپ، كوبەيەدى. ءتىس تازالاۋدىڭ باستى ماقساتى– وڭەزدەردى جويۋ. ءتىس ءبىر قاراعاندا تازا بولىپ كورۋى مۇمكىن. دەگەنمەن وڭەزدىڭ جۇقا قاباتى– پەلليكۋلا قالادى. ەگەر تاڭرەتەڭ جانە كەشكە ءتىس جۋساڭىز، باكتەريا سانىن ازايتاسىز. بۇل كاريەستىڭ پايدا بولۋ ىقتيمالدىعىن تومەندەتەدى.

تاۋلىك بويىنا ءتىسىمىزدى قورعاي المايمىز. ويتكەنى كۇنىنە بىرنەشە رەت تاماقتانامىز. سوندىقتان ءتىس وڭەزىن تازالاۋ ازدىق ەتەدى، بىزگە ەمالدى قاتايتۋ كەرەك.

ءتىس پاستاسى نە ءۇشىن قاجەت؟

ەمال ادام اعزاسىنداعى ەڭ قاتتى ماتەريال– گيدروكسياپاتيت كالتسيدەن تۇرادى. مۇنىڭ ارقاسىندا ءبىز تىستەپ، كەمىرە الامىز، كەز كەلگەن تاعامدى جەيمىز. الايدا قىشقىلدىڭ كوبەيۋى گيدروكسياپاتيتتىڭ حيميالىق قۇرامىن تومەندەتەدى. ەگەر قاجەتتى مينەرالدار ورىنىن تولىقتىرماسا، ەمالدە كاريەس قالىپتاسادى.

ەمالدى قاتايتاتىن باستى مينەرال– فتور. ادەتتە، اعزا بۇل مينەرالدى تاعام مەن سۋدان الادى. دەگەنمەن سىرتقى ورتا مەن جاس مولشەرىنە بايلانىستى ونىڭ مولشەرى بارلىق ۋاقىتتا جەتكىلىكتى بولمايدى. ەمال فتور جانە كالتسيمەن قامتىلۋى ءۇشىن عالىمدار ءتىس پاستاسىن ويلاپ تاپقان.

6 جاستان اسقان بالالار مەن ەرەسەكتەرگە فتور كونتسەنتراتسياسى 1350ppm ءدى قۇرايتىن ءتىس پاستاسىن قولدانۋ كەڭەس ەتىلەدى. 6 جاسقا تولماعان بالالار 1000ppm فتور بار پاستانى پايدالانۋى قاجەت.

كالتسي دە، فتور سەكىلدى، گيدروكسياپاتيتتى كۇشەيتەدى. الايدا ءتىس كالتسيدى تاعامنان بالا كۇنىمىزدە عانا الادى. ەرەسەك ادامنىڭ كالتسيگە باي تاعامداردى تۇتىنۋى ەمالدى قاتايتا المايدى.

ءتىس پاستاسىن قالاي قولدانۋ كەرەك؟

ايتىپ وتكەنىمىزدەي، ءتىستى تاڭەرتەڭ جانە كەشكە 2 مينۋت كولەمىندە جۋۋ كەرەك. ءبىراق كەشكى ۋاقىتتا ءتىس جۋعاندا اۋىز قۋىسىن سۋمەن شايقاۋدىڭ قاجەتى جوق. سەبەبى ادام اعزاسىندا كاريەسپەن كۇرەسەتىن تابيعي مەحانيزم– سىلەكەي ءبولىنۋ. ول باكتەريالاردى جويادى. قۇرامىندا فتور مەن كالتسي دە بار. تۇندە سىلەكەي ءبولىنۋ پروتسەسى باياۋلايدى. اتالمىش پروتسەستى جاقسارتۋ ءۇشىن فتور قاجەت. كەشكى ءتىس جۋۋدان كەين اۋزىڭىزدى سۋمەن شايقاۋدىڭ قاجەتى جوق. فتور مولەكۋلالارى ەمالگە ءسىڭىپ، ميركوبتاردان قورعايدى.

قاينار: يىنتەرنەتتەن | رەداكتور: سارماي | كورىلىم : 498 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز