مي ەستە ساقتاۋدى ۇناتپايدى نەمەسە مي ەستە ساقتاۋ ءۇشىن جاراتىلماعان - كەرۋەن تورابى

مي ەستە ساقتاۋدى ۇناتپايدى نەمەسە مي ەستە ساقتاۋ ءۇشىن جاراتىلماعان

ايگىلىLifehack سايتىنىڭ باسشىسى لەون حو «مي ەستە ساقتاۋدى ۇناتپايدى» دەيدى. ونى تۇزەۋگە بولا ما، مي قالاي جۇمىس ىستەيدى دەگەن سۇراقتارعا بۇگىنگى ماقالادا جاۋاپ بەرەمىز.

مي ەستە ساقتاۋ ءۇشىن جاراتىلماعان

ەگەر ءسىز مي جاقسى جۇمىس ىستەۋ ءۇشىن وعان كوپ ءبىلىم بەرۋ كەرەك دەپ ويلاساڭىز قاتەلەسەسىز. ويتكەنى مي اقپارات جيناۋعا ارنالماعان. ەستە ساقتاۋ قابىلەتى جاعىنان ميىمىز 8 گەگابايت ساقتاعىش كارتاسىنان ارتىق ەمەس. مىسالى، تەلەفوننىڭ ساقتاعىش كارتاسى 8 گيگابايت دەيىك. وعان بارلىق اقپاراتتى سيعىزۋ ءۇشىن ونى ناشار ساپادا ساقتاۋعا تۋرا كەلەدى. مي دا سولاي جۇمىس ىستەيدى. كۇن سايىن ميىمىزعا مىڭداعان اقپارات كەلىپ تۇسەدى. ونى ەستە ساقتاۋ ءۇشىن مي ونىڭ ساپاسىن تومەندەتەدى. ماسەلەن، كەشە ايقىن كورگەن دۇنيەنى بۇگىن ەسكە تۇسىرسەك، ويىمىزعا بۇلىڭعىر سۋرەت ەلەستەيدى.

ميدىڭ باستى مىندەتى

بۇرىن ميدىڭ باستى مىندەتى– ادامدى امان ساقتاپ قالۋ بولاتىن.

كومپيۋتەرلەردىڭ زاماناۋي الەمىن ءبىر مينۋتقا ۇمىتايىق تا، اقپاراتتىق ءورىس مۇلدەم باسقاشا بولعان كەزدى ەسكە تۇسىرەيىك. ءوزىڭىزدى العاشقى ادامداردىڭ ءبىرى رەتىندە ەلەستەتىپ كورىڭىز.

ەجەلگى زاماندا قورشاعان ورتا كۇردەلى جانە قاتال بولدى. ءسىزدىڭ مۇنداعى ەڭ باستى ماقساتىڭىز: ءومىردى (تاماق، باسپانا، قارىم-قاتىناس) ساقتاۋ جانە حاۋىپ-قاتەرمەن كۇرەسۋ (جىرتقىش اڭدار، اۋارايى). باسقاشا ايتقاندا، تاريحقا دەيىنگى ءسىز «ەستە ساقتاۋ ەمەس، اقپاراتتى وڭدەۋگە باسىمدىق بەرەر ەدىڭىز. مىسالى،«بۇل حاۋىپتى ايماق»، «جەۋگە جارامدى» دەگەن ءتارىزدى.

وركەنيەت دامىعان سايىن اۋىزشا جانە جازباشا ءتىلدىڭ دامۋىمەن قاتار ءومىر ءسۇرۋ ءۇشىن قاجەت ەمەس اقپاراتتى ەستە ساقتاۋ پايدالى بولدى. بۇل ادامدارعا ءوز تۇرلەرىمەن قارىم- قاتىناس جاساۋعا جانە باسقالاردىڭ تاجىريبەسىنە سۇيەنە وتىرىپ، ارەكەت ەتۋ كەرەكتىگىن بىلۋگە مۇمكىندىك بەردى.

زامان، ينتەرنەت قارىشتاپ دامىعان سايىن اقپاراتتىق حاۋس ورىن الىپ جاتىر. ال مي حاۋس كەزىندە جاقسى جۇمىس ىستەي المايدى.

ەگەر ءبىز ميعا سەنەتىن بولساق، وندا ءبىزدىڭ ساقتاعىشىمىز تولىپ قالادى.

كۇن سايىن ءبىز 34 گەگابايت اقپارات تۇتىنامىز. بۇعان ميىمىز كۇندەلىكتى تۋدىراتىن 50 مىڭ ويدى قوسىڭىز.

مىنە، ميعا ۇنەمى كۇرەسۋگە تۋرا كەلەدى. ءبىزدىڭ ميىمىز ناقتى جانە وبەكتيۆتى اقپاراتتى جازۋعا ارنالماعان. تىم كوپ قابىلداۋعا تىرىسۋ ارتىق جۇكتەمە مەن ساقتاعىشتىڭ تولىپ كەتۋىنە اكەلەدى. ونىڭ ۇستىنە مي ءوزى-اق شەشەتىن اقپاراتتى وڭدەۋ، شىعارماشىلىق جانە تاپقىرلىق سياقتى پروتسەستەرگە ارالاسامىز.

ميعا ورىندى قالاي بوساتۋعا بولادى

ميدىڭ ەڭ جاقسى نارسەنى ىستەي الۋى ءۇشىن پايداسىز مالىمەتتەرمەن اينالىساتىن بارلىق ورىندى بوساتۋ كەرەك. اقپاراتتى وڭدەۋ تۋرالى ايتىپ وتىرمىز. وعان قول جەتكىزۋدىڭ ەكى كەرەمەت جولى بار:

1. ءوزىڭىزدىڭ «قالتا ميىڭىزدى» دامىتىڭىز. اقپاراتتى كومپيۋتەرگە ساقتاڭىز.

ىقتيمال پايدالى اقپاراتتى ۇيىمداستىرۋ جانە ساقتاۋ جۇيەسىن جاساڭىز جانە ەستە ساقتاۋ جۇمىستارىن «سىرتقى ساقتاعىشقا» بەرىڭىز. كومپيۋتەر، ارينە، دەرەكتەردى جۇيەلى تۇردە ساقتاۋعا سەنىمدى تاماشا قۇرال.

نەگىزگى يدەيا– ميىڭىزدى اقپاراتپەن جۇكتەۋگە تىرىسۋدىڭ ورنىنا تاجىريبەلى دەرەكتەردى وڭدەۋ.

2. ماعىنالى وقىتۋ.

«قالتا ميىمەن» قاتار ماعىنالى وقۋ ءۇشىن ساقتاعىشتى قالاي ءتيىمدى پايدالانۋ كەرەكتىگىن دە ءبىلۋ كەرەك. اقپاراتتى ويىڭىزعا تەز ورالاتىنداي ەتىپ ساقتاپ ۇيرەنىڭىز. مىسالى، ءسىزدىڭ انا تىلىڭىزدە قانشالىقتى وڭاي سويلەيتىندىگىڭىز تۋرالى ويلانىڭىز. بۇل ءسىزدىڭ ءبىر بولىگىڭىزگە اينالعان ءبىلىم.

قاينار: يىنتەرنەتتەن | رەداكتور: اراي | كورىلىم : 305 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز