جۇرگىزۋشى كولىكتە الىپ ءجۇرۋى ءتيىس 7 زات - كەرۋەن تورابى

جۇرگىزۋشى كولىكتە الىپ ءجۇرۋى ءتيىس 7 زات

اۆتوكولىكتە مىندەتتى تۇردە بولۋى ءتيىس زاتتار مەن قۇرال-سايماندار بولادى. تاجىريبەلى جۇرگىزۋشىلەر بۇلاردى كەز كەلگەن ۋاقىتتا كولىكتە سالىپ جۇرۋگە كەڭەس بەرەدى. سەبەبى ويدا- جوقتا قاجەت بولىپ قالۋى مۇمكىن-اق.

اسىرەسە الىس جولعا شىعار كەزدە كولىكتى تولىقتاي تەكسەرتىپ، ءتىپتى جوندەۋدەن وتكىزىپ العان ءجون. مايلارىن اۋىستىرىپ، وزگە دە اقاۋلاردىڭ جوقتىعىنا كوز جەتكىزىڭىز. ال ىلعي الىپ جۇرەتىن قۇرالدارىڭىز ورنىندا تۇرعان، نە تۇرماعانىن ءبىر تەكسەرىپ تە الىڭىز. ولاي بولسا كولىكتە مىندەتتى تۇردە ءجۇرۋى ءتيىس قانداي زاتتار ەكەن؟

1. ءدارى قوبديشاسى

اۆتوكولىكتە مىندەتتى تۇردە بولۋى ءتيىس زاتتاردىڭ ءبىرى-ءدارى قوبديشاسى. ءبىراق قۇر قوبديشا ەمەس، ىشىندەگى دارىلەردى دە جاڭارتىپ تۇرۋ ءتيىس.

كولىكتە ءدارى قوبديشاسىنىڭ بولۋى زاڭدى. كەز كەلگەن ۋاقىتتا قاجەت بولىپ قالۋى مۇمكىن. ال قوبديشادان بولەك دارىلەردى سالوندا ساقتاۋعا بولمايدى. نەگىزىنەن دارى-دارمەك تۇرلەرى بولمە تەمپەراتۋراسىندا ساقتالادى. جازعى اپتاپ ىستىقتا ءدارىنىڭ كولىك ىشىندە بولۋى-ونىڭ دەرتكە قارسى اسەرىن ازايتادى. ءتىپتى دەنساۋلىققا زاردابىن تيگىزۋى دە مۇمكىن.

2. قوسالقى دوڭعالاق

قوسالقى دوڭعالاق كەز كەلگەن اۆتوكولىكتىڭ بازالىق كومپلەكتاتسياسىنا ەنەدى. ءبىراق ول دوڭعالاق قوسالقى بولعاندىقتان ۇزاق جولعا ارنالماعان. شاعىن ماڭداعى دوڭعالاق جوندەۋ ورنىنا جەتكەنشە دەپ جوسپارلانعان. ال قازىر كوبى قوسالقى دوڭعالاقتى دا ۇزاق جولعا جارامدى بولارىن الىپ جۇرەدى. اسىرەسە ۇزاق جولعا شىعاردا قوسالقى دوڭعالاق الىپ شىعۋدى ۇمىتپاڭىز.

3. دومكرات (كوتەرگىش) جانە ءتۇرلى قاجەتتى قۇرال- سايماندار

كولىكتە مىندەتتى تۇردە ءجۇرۋى ءتيىس زاتتار قاتارىنا دومكرات (كوتەرگىش) پەن ءتۇرلى قۇرال-سايمانداردى قوسىڭىز. ءتۇرلى قۇرال- سايماندار بولعاندا، بۇرايتىن كىلتتەر (كليۋچ)، بالعا، قىسقىش، بۇراۋىش، ت. ب. نەعۇرلىم كوبىرەك بولعانى جاقسى. قاجەت كەزدە قينالمايسىڭ.

4. اككۋمۋلياتوردى قۋاتتايتىن كابەل

بۇل قۇرال جۇكسالعىشتا كوپ ورىن المايدى دا. باعاسى دا قىمبات ەمەس. ءبىراق جولعا شىققاندا كەرەك بولىپ قالۋى بەك مۇمكىن. سوندىقتان ءبىر رەت ساتىپ الىپ، بىرنەشە جىل يگىلىگىن كورىڭىز.

5. جەل بەرەتىن قۇرىلعى (ناسوس)

جەلى شىققان دوڭعالاقپەن الىسقا بارمايسىڭ. ونى ۋاقىتشا بولسا دا ۇرلەۋ ءۇشىن ارنايى جەل بەرەتىن قۇرىلعى (ناسوس) قاجەت-اق. ءتىپتى وسىنداي ارنايى ولشەم كورسەتكىشى اۆتوماتتى قۇرىلعىنى ساتىپ العاننىڭ زيانى جوق. جولعا شىققان بۇل قۇرال ءجيى كەرەك بولۋى مۇمكىن.

6. كەندىر نەمەسە سىم ارقان

تەحنيكا بولعان سوڭ، اقاۋ دا بولادى. كەيدە توقتاپ قالعاندا سۇيرەۋگە دە تۋرا كەلۋى مۇمكىن. ونداي جاعدايدا وزگە كولىكپەن سۇيرەۋ ءۇشىن كەندىر ءجىپ نەمەسە سىم ارقان قاجەت بولادى. ارتىعىمەن الىپ جۇرسەڭىز دە كەدەرگى بولمايدى.

7. اپاتتىق بەلگىشە

كولىك جول ورتاسىندا بۇزىلعاندا وزگەلەرگە قيىندىق تۋدىرارى انىق. ول ءۇشىن جۇك سالعىشىڭىزعا اپاتتىق بەلگىشەنى سالىپ ءجۇرۋدى ۇمىتپاڭىز. جول ورتاسىنا بەلگىلى ءبىر سەبەپتەرمەن توقتاي قالعاندا وسى بەلگىشەنى قويىپ، ءوزىڭىزدى دە، وزگەلەردى دە ساقتاندىراسىز.

قايدا جۇرسەڭىز دە جولىڭىز بولسىن، جولاۋشى!

قاينار: ماسساگەت | رەداكتور: سارماي | كورىلىم : 1082 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز