Marvel قالاي پايدا بولدى؟ - كەرۋەن تورابى

Marvel قالاي پايدا بولدى؟

Marvel Entertainment– كوميكستەر نەگىزىندە قۇرىلعان ءىرى امەريكالىق كومپانيا. «Marvel» بۇگىنگى تاڭدا 5000 عا جۋىق كوميكس كەيىپكەرلەرىن دۇنيەگە اكەلگەن. سايتىمىز «Marvel Entertainment» ءتىڭ قۇرىلۋ تاريحى جايلى ماتەريالدى نازارىڭىزعا ۇسىنادى.

كومپانيانىڭ قۇرىلۋى جانە العاشقى كەيىپكەر

1930- جىلدارى مارتين گۋدمەن ءتۇرلى جۋرنالدار، شاعىن گازەتتەر باسۋمەن شۇعىلداندى. الايدا مۇنداي باسىلىمداردىڭ وقىرماندارى از ەدى. بارلىق گازەت-جۋرنالداردى ءبىر عانا اۆتورلار توبى دايىنداعانىمەن، ولار ءار ءتۇرلى برەندتەردىڭ اتاۋىمەن جارىققا شىقتى. 1939- جىلى گۋدمەن ءوزى قۇرعان بىرنەشە باسىلىمدى ءبىر ورتاعا جيناپ، «Timely Comics» كومپانياسىنىڭ نەگىزىن سالدى.

كوميكستىڭ رەداكتورى قىزمەتىن دجو سايمون اتقاردى. كارل بۋرگوس پەن بيلل يەۆەرت ەسىمدى سۋرەتشىلەر العاشقى كەيىپكەرلەر «وت ادام» مەن «سۇڭگۋىر نەمور» دى حالىق نازارىنا ۇسىندى. قوعام اراسىندا كوميكستەر ەندى تارالىپ جاتقان ۋاقىتتا كومپانيانىڭ بۇل ءونىمى جىلدام ساتىلىپ كەتتى.

1939- جىلى ەكىنشى دۇنيەجۇزىلىك سوعىستىڭ باستالۋى كوپتەگەن وندىرىستىك سالاعا اسەر ەتتى. الەمدەگى جاعداي ۋشىققان سايىن حالىققا ءۇمىت سيلاپ، جىگەرلەندىرەتىن كەيىپكەر قاجەت بولدى. وسىلايشا دجو سايمون مەن دجەك كيربي بىرىگە وتىرىپ، 1941- جىلى الەمگە جاڭا كەيىپكەر– «كاپيتان امەريكانى» تانىستىردى.

كوك قالقان مەن ا قش تۋىنا ۇقساس كيىم كيگەن كوميكس باتىرى ارقىلى سول ۋاقىتتاعى جاماندىقپەن كۇرەستى كورسەتىپ، امەريكانىڭ كۇش-قۋاتىن تانىتقىسى كەلدى. ءدال وسى ۋاقىتتا كومپانيا اۆتورلارىنىڭ قاتارىنا ستەنلي مارتين ليبەر (ستەن لي) قوسىلدى.

كوميكستەر نارىعىنداعى باسەكە

1934- جىلى قۇرىلعان«DC Comics» كوميكس نارىعىن جاۋلاپ ۇلگەرگەن ەدى. كومپانيانىڭ باستى كەيىپكەرلەرى «بەتمەن» مەن «سۋپەرمەندى» حالىق ەرەكشە ىقىلاسپەن قابىل الدى. «DC Comics» قالىپتى شەڭبەردەن شىعىپ، جاڭا باعىتقا بەت العان ەدى. ەندى كوميكس كەيىپكەرلەر بىرگە جۇمىس ىستەپ، جاماندىقپەن بىرلەسە وتىرىپ كۇرەستى. مۇنى كورگەن ستەن لي دە ءوزىنىڭ جاڭا جوباسىن دايىندادى. «تاڭعاجايىپ تورتتىك» دەپ اتالاتىن كەيىپكەرلەر توبى كوميكستەگى جاڭا جانرعا اينالدى.

1962- جىل«Marvel» ءۇشىن جەمىستى بولدى. بۇل ۋاقىتتا كوميكستەر بەتىندە «ورمەكشى ادام»، «دارىگەر دۋم»، «حالك» سىندى كەيىپكەرلەر پايدا بولدى. ال 1963- جىلى وقىرماندار «تەمىر اداممەن» تانىستى.

1970- جىلدارى«DC Comics» «Marvel» كومپانياسىنداعى اۆتورلاردىڭ ءبىرى، دجەك كيربيدى جۇمىسقا الدى. بۇل«Marvel» ءۇشىن قيىن كەزەڭدەردىڭ ءبىرى بولدى. ساتىلىم دەڭگەيى تومەندەپ، كومپانيا تىعىرىققا تىرەلدى. دەگەنمەن قيىندىقتارعا قاراماستان كومپانيا ءوز كەيىپكەرلەرىن دامىتۋمەن شۇعىلداندى.

2009- جىلى«Marvel» تولىعىمەن«Disney» مەدياحولدينگىنىڭ قول استىنا ءوتتى. وسى كەزەڭدە كوميكس كەيىپكەرلەرى جايلى جاڭا فيلمدەر ءتۇسىرىلىپ، «Marvel» كينو الەمىنىڭ الىبىنا اينالدى.

قاينار: يىنتەرنەتتەن | رەداكتور: ايگەرىم | كورىلىم : 169 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز