Amazon «ساقينالار ءامىرشىسى» سەرياسىنداعى العاشقى كادردى كورسەتتى - كەرۋەن تورابى

Amazon «ساقينالار ءامىرشىسى» سەرياسىنداعى العاشقى كادردى كورسەتتى

Amazon Studios كينوكومپانياسى دجون تولكيننىڭ «ساقينالار ءامىرشىسى» رومانى بويىنشا تۇسىرىلگەن جاڭا سەريالدىڭ العاشقى كادرىن كورسەتتى. تۋىندىداعى العاشقى كادر سەريانىڭ Twitter دەگى رەسمي پاراقشاسىندا جاريالاندى.

بۇل سەريال Prime Video دا الەمنىڭ 240 تان استام ەلىندە كورسەتىلەدى. سونىمەن Amazon «ساقينالار ءامىرشىسى» سەريالىنىڭ جاڭا سەرياسىن اپتاسىنا ءبىر رەت شىعارادى. سەريالدىڭ ءالى كۇنگە دەيىن رەسمي اتاۋى جوق.

ورتا جەردىڭ ەكىنشى داۋىرىندەگى وقيعالار تولكيننىڭ «ساقينالار ءامىرشىسى» تريلوگياسىنىڭ نەگىزگى سيۋجەتىنەن بىرنەشە مىڭ جىل بۇرىن وتەدى.

بەس ماۋسىمنان تۇراتىن سەريالعا Amazon ءبىر ميلليارد دوللارعا شىعىندالدى. بۇل THR مالىمەتتەرى بويىنشا تاريحتا بۇرىن-سوڭدى شىعارىلعان ەڭ قىمبات سەريا بولعالى تۇر.

«ورتا جەردە جاڭا ەپيكالىق ساياحاتقا شىعاتىنىمىزعا قۋانىشىمىزدى ايتىپ جەتكىزە المايمىن. ءبىزدىڭ تالانتتى پروديۋسەرلەر، اكتەرلەر، شىعارماشىلىق جانە وندىرىستىك توپتار جاڭا زەلانديادا وسى كەرەمەت فيلمدى جارىققا شىعارۋ ءۇشىن ايانباي ەڭبەك ەتتى»، -دەدى Amazon Studios باس ديرەكتورى دجەننيفەر سالكە.

«ساقينالار ءامىرشىسى» فيلمى– دجون رونالد رۋەل تولكيەننىڭ «ساقينالار ءامىرشىسى» رومانىنا نەگىزدەلگەن تريلوگيا. فيلم 17 «وسكار» سيلىعىنا يە بولدى. ال كەيىنگى «پاتشانىڭ ورالۋى» (2003- جىلى) فيلمى ۇسىنىلعان بارلىق 11 «وسكاردى» الدى، بۇل ءبىر فيلم العان «وسكاردىڭ» رەكوردى  سانالادى.

ەستەرىڭىزگە سالا كەتەيىك، سەريانىڭ ءتۇسىرىلۋى 2017- جىلدىڭ سوڭىندا باستالدى، كومپانيا تولكيننىڭ «ساقينالار ءامىرشىسى» رومانىنىڭ فيلمگە بەيىمدەلۋ ۇقىعىنا يە بولدى. Netflix تەن بۇرىن ءتۇسىرۋ ۇقىعىنا يە بولۋ ءۇشىن Amazon جازۋشى مۇراگەرلەرىنە 250 ميلليون دوللار تولەۋگە ءماجبۇر بولدى.

قاينار: يىنتەرنەتتەن | رەداكتور: ايگەرىم | كورىلىم : 258 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز