تورەعاليدىڭ جارى: كۇيەۋىمە يىلەمىن، سىرت كوزگە قاۋقارسىز «لوح» بولىپ كورىنگەنىمەن بۇل ۇلكەن كۇش - كەرۋەن تورابى

تورەعاليدىڭ جارى: كۇيەۋىمە يىلەمىن، سىرت كوزگە قاۋقارسىز «لوح» بولىپ كورىنگەنىمەن بۇل ۇلكەن كۇش

تورەعالي تورەالىنىڭ جارى تولقىن تۇرارقىزى ءوزى مەن جولداسىنىڭ اراقاتىناسى تۋرالى ايتتى. «ءبىر ادام ەمەن اعاشىنداي ءيىلۋ كەرەك» دەگەن ۇستانىمدى ۇستانعان كەلىن بۇل تاتۋ وتباسىنىڭ سىرى دەگەن كەڭەسىن ايتتى.

«تورەم ەكەۋمىز وتاۋ قۇرعاندا، بارلىق وتباسىن قۇردىمعا اكەلەتىن بالەنىڭ الدىن الۋ ماقساتىندا، ەكەۋمىزدە دە ەركەلىك بار، وزىمىزگە جەتەرلىك مىنەز دە بار، ساسىق كوكىرەك بارىندە بار، ەگەر دە ەكەۋمىز ەكى جاققا كەتەتىن بولساق، تەك-تاكاپپارلىقتان، -دەدى. سوندىقتان، قانداي جاعداي بولماسىن، ارامىزدا ۇرىس شىعاتىن بولسا، بىرەۋ ەمەن اعاشىنداي ءيىلۋ كەرەك، كىم يىلەدى؟-دەپ سۇرادى. ارينە مەن، -دەپ جاۋاپ بەردىم. سودان بەرى سول ۋادەمدە تۇرۋعا تىرىسىپ كەلەمىن. شىندىعىندا، ول وتە كوپ ەڭبەكتى تالاپ ەتەدى ەكەن.

قانشالىقتى سابىرلى بولام دەگەن سايىن، پەندەشىلىك ويلار، كوكىرەكتى كەرنەپ تۇراتىن، ارينە. سىرت كوزگە قاۋقارسىز، ورىسشا ايتقاندا لوح بولىپ، كورىنگەنمەن، بۇل ۇلكەن كۇش! اشۋدىڭ ۇستىندە سابىردى ساقتاپ، ەموتسياڭدى ۇستاي بىلۋ-تىپتەن كۇشتى. تويىمىزدى وتاۋ قۇرعاننان كەيىن 3 جىلدان كەيىن جاسادىق! مەن ول كەزدە ەكى حانشايىمنىڭ اناسى، ءۇشىنشى سابيىمە اياعىم اۋىر ەدى.

اينالام مەنى ءبىراز ءسوز ەتىپ، جاڭالىقتار ءبىراز جىر ەتتى... دەسە دە، اللانىڭ قالاۋىنسىز ەشتەنەنىڭ بولمايتىنىن، سىرتتان تون ءپىشۋدىڭ قانداي كۇنا ەكەنىن كوبىمىز بىلسەك تە، ءمان بەرە بەرمەيمىز-اۋ»،- دەپ جازدى تولقىن.

تۇرارقىزى وتباسى قۇرعان ءساتى مەن تاتۋ وتباسى قۇرۋداعى قادامدارىن تاپتىشتەپ ايتتى. ەكى جاستىڭ تويى ءۇش جىلدان سوڭ وتكەنى بەلگىلى. مۇنىڭ سەبەبىن اشىق ايتپاسا دا، جۇلدىزدى اۋلەت دۇركىرەتىپ توي جاسادى. كەلىندى حالىققا تانىستىردى.

«باستاپقى 3 جىل بويى جارىمنىڭ كونتسەرتىنە بارمايتىنمىن، تاقىمىمدى قىسىپ، تىلەۋىن تىلەپ وتىرعانىم، ساحنادان تاماشالاپ وتىرعاننان ماڭىزدى ەدى، ءارى جارىما ول ۋاقىتتا سول ۇلكەن قولداۋ بولدى.

شىنىمدى ايتسام، ول كەزدە وتباسى دەگەن فۋندامەنتتى قالاۋ باستى پريوريتەت بولاتىن. جاعالاسا-جارىسا جۇرگەننەن، كۇن-تۇن حالىقتىڭ الدىندا جۇرگەن ازاماتىمدى كۇتىپ-الىپ، شىعارىپ-سالۋ ەڭ ۇلكەن جۇمىس دەپ ءبىلدىم. باستاپقىدا ۇيرەنۋ وڭاي بولمادى، ارينە، گاسترولدىك ساپاردان-ساپارعا اتتاناتىن جارىمدى، تاعاتىم تاۋسىلا كۇتۋمەن جۇرەتىنمىن!

نەگە الەۋمەتتىك جەلىدە جوقپىن، نەگە ولاي ەمەس، نەگە بۇلاي ەمەس دەگەن سۇراقتار مەنى مازالاماعان ەكەن. سەبەبى، جارىما دەگەن سەنىم، ءبىر ساتكە دە كۇمان تۋدىرعان ەمەس! جارىمنىڭ قالاۋى-اللانىڭ قالاۋى دەپ قابىلدادىم!»،- دەدى تولقىن تۇرارقىزى.

«اقىلىڭىزدان اينالدىم!»، «كەرەمەتسىز. ەكى دۇنيە باقىتىن ءناسىپ ەتسىن»، «كەلىندەردىڭ سىزدەن ۇيرەنەرى كوپ»، «وتە يىلە بەرۋ دۇرىس ەمەس، ءار كىم ءوز ءومىرىن قالاعانىنشا ءسۇرۋ كەرەك»،- دەپ جازدى جەلىدەگى وقىرماندار.

قاينار: قازاقىستان تورابى | رەداكتور: ايگەرىم | كورىلىم : 1341 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز