جاڭا نارىققا شىققاندا ءجيى كەزدەسەتىن 7 قاتەلىك نەمەسە قاتەلىكتەردى بولدىرماۋدىڭ جولى - كەرۋەن تورابى

جاڭا نارىققا شىققاندا ءجيى كەزدەسەتىن 7 قاتەلىك نەمەسە قاتەلىكتەردى بولدىرماۋدىڭ جولى

جاڭا نارىققا شىعۋ– كاسىپكەردىڭ ومىرىندەگى ماڭىزدى ءسات. ول ناقتى جوسپاردى تالاپ ەتەدى. الايدا جاڭا نارىققا شىققاندا قاتەلەسىپ جاتادى.  سايتىمىز ءجيى كەزدەسەتىن قاتەلىكتەر مەن ونى بولدىرماۋدىڭ جولى تۋرالى ماتەريال دايىندادى.

تانىستىققا جول بەرۋ

سىرتقى نارىققا شىعۋ كەزىندەگى ەڭ كوپ كەزدەسەتىن قاتەلىك– كومپانيادا ءبىلىمى ساي كەلمەيتىن ادامداردىڭ كوپ بولۋى. كوبىنەسە بۇل جاي عانا تانىستار مەن تۋىستار.

ءسىز جانىڭىزعا سەنىمدى ادامدار العىڭىز كەلەدى، ءبىراق بۇل ءتاسىل ساتسىزدىككە ۇشىراتادى. جاڭا ايماقتاعى بيزنەستىڭ دامۋىنا جاۋاپتى مامان جالداۋ الدەقايدا ءتيىمدى.

نارىقتى تىڭعىلىقتى زەرتتەمەۋ

جاڭا نارىققا شىعۋ ءۇشىن ناقتى زەرتتەۋلەر بولۋ كەرەك. كليەنتتەردىڭ قاجەتتىلىكتەرى ايماققا بايلانىستى ءار ءتۇرلى بولاتىنىن ەستە ساقتاڭىز. سونداي-اق ءسىز ماقساتتى نارىقتىڭ ديناميكاسىن، جەرگىلىكتى باسەكەلەستىكتىڭ ەرەكشەلىكتەرىن، سالالىق تەندەنتسيالار مەن زاڭدى تالاپتاردى ءبىلىپ، سەزىنۋىڭىز كەرەك.

كومپانيالار كوبىنەسە شەتەلدىك تۇتىنۋشىلار ءۇشىن ماڭىزدى ەمەس ارتىقشىلىقتارعا نازار اۋدارا وتىرىپ، ءونىمدى جىلجىتۋعا تىرىسادى. مىسالى، فرانتسيادا ءونىمنىڭ ساپاسىنان گورى ديزاين ماڭىزدى، ال گەرمانيادا باعادان گورى زاتتاردىڭ سەنىمدىلىگى مەن ەكولوگيالىق تازا بولۋىنا ءمان بەرەدى.

ەكىنشىدەن، تاراتۋ كانالىن ءساتسىز تاڭدايدى. قاراپايىم مىسال– ينستاگرام. ونىڭ تاۋەلسىز مەملەكەتتەر دوستاستىعى ەلدەرىندە تانىمالدىعى جوعارى، ءبىراق ەۋروپا ەلدەرىندە ايتارلىقتاي تومەن. ءسىز وسى الەۋمەتتىك جەلى ارقىلى ساتىلىمدى دامىتا الاسىز. ءبىراق ەۋروپادا ساتىلىمدار تومەن بولادى.

ۇشىنشىدەن، كومپانيالار جاڭا ايماقتىڭ نيۋانستارىن تۇسىنبەۋى مۇمكىن.

سوندىقتان اسىقپاڭىز. ءىس جۇزىندە جوسپارلانعان ستراتەگياسىز جانە ماقساتتى نارىق تۋرالى تەرەڭ ءبىلىمسىز ارەكەت ەتە المايسىز.

جاۋاپكەرشىلىكتى ىسىرىپ قويۋ

كوپتەگەن حالىقارالىق كونتسەرندەر وزدەرىنىڭ ستراتەگيالارىنB2B2C مودەلىنە نەگىزدەيدى. ولار جاڭا ايماقتا ءوز تاۋارلارىن قايتا ساتاتىن دەلدالدار مەن سەرىكتەستەر تابادى. ءبىراق ول سەرىكتەسكە ءبارىن ىسىرىپ قويۋدىڭ قاجەتى جوق.

ءسىز نارىقتى ءبىلىپ، ءوز كومپانياڭىزدى، ونىمدەرىڭىز بەن برەنددى دەربەس جىلجىتۋىڭىز كەرەك. بۇل باعىتتا ءسىز ءۇشىن ەشكىم جۇمىس ىستەمەيدى.

قارجىلىق حاۋىپسىزدىكتىڭ بولماۋى

ىشكى نارىقتا ءسىزدىڭ بيزنەس مودەلىڭىز ءتيىمدى بولعانىمەن، ول باسقا ەلگە تاراعاندا شىعىن پايدا بولۋ مۇمكىن. ءتىپتى كومپانيانىڭ ءوزى قاتەلەسەدى. سوندىقتان قارجىلىق حاۋىپسىزدىك بولۋ كەرەك.

ىسكەرلىك ەتيكەتتى ەلەمەۋ

شەتەلدىك سەرىكتەستەرمەن جۇمىس كەزىندە قيىندىقتارعا تاپ بولماس ءۇشىن ءسىز بۇل ماسەلەنى مۇقيات زەردەلەۋىڭىز كەرەك. مىسالى، گەرمانيادا جينالىس كەزىندە ءسىز تەلەفوندى قوسۋلى كۇيدە قالدىرا المايسىز. تەلەفونمەن سويلەسۋ مۇلدە جات نارسە. ءبىراق يتاليادا كەزدەسۋگە كەشىگىپ كەلۋ ەشتەڭە ەمەس.

ەگەر ءسىز فرانتسياداعى سەرىكتەستەرمەن بيزنەس جۇرگىزۋدى جوسپارلاساڭىز، ءسىز ترانزاكتسيا كەزىندە كوپتەگەن سۇراقتارعا جاۋاپ بەرىپ، ءتىپتى ماڭىزدى ەمەس مالىمەتتەردى ناقتىلاۋىڭىز كەرەك.

سكانديناۆيا ەلدەرىنىڭ نارىعىنا كىرگەن كەزدە ساۋنادا ىسكەرلىك كەزدەسۋ جوسپارلانۋى ابدەن مۇمكىن، بۇل جەرگىلىكتى ءداستۇر. ساۋنادان كەيىن كەزدەسۋ مەيرامحاناعا اۋىسادى.

ەلدىڭ ىسكەرلىك ەتيكاسىنىڭ ەرەكشەلىكتەرىن زەردەلەۋدى ۇمىتپاڭىز، سوندا ءسىزدى ەشتەڭە ىڭعايسىز جاعدايعا قالدىرمايدى.

كىشكەنتاي نارسەگە نازار اۋدارۋ

كەيدە تاۋاردىڭ بولجامدى نەمەسە ناقتى ارتىقشىلىعىنا تىم كوپ ءمان بەرۋ جاعىمسىز سالدارعا اكەلۋى مۇمكىن.

كومپانيا ءاربىر ناقتى سەگمەنت ءۇشىن جالپى قۇندىلىقتىڭ ماڭىزدى ەلەمەنتتەرىن نازاردان تىس قالدىرادى.

جەتىستىككە جەتۋ ءۇشىن ءسىز الدىمەن ءوزىڭىزدىڭ نازارىڭىز بەن ينۆەستيتسيالارىڭىزدى جاڭا ەكوجۇيەگە جىلدام ەنۋگە، ءونىمدى تەز جەتكىزۋگە جانە تۇتىنۋشىلاردى ۇنەمى قولداۋعا جۇمىلدىرۋىڭىز كەرەك.

پسيحولوگيالىق كەدەرگىلەر

ولاردى سىرتقى نارىقتا ەشكىم كۇتپەيدى دەپ ويلايدى. نەگىزگى قورقىنىش: «مەنىڭ ونىمىمە ەشكىم مۇقتاج ەمەس»، «مەنىڭ بيزنەسىم تىم كىشكەنتاي»، «وندا ونى وندىرۋشىلەر جەتكىلىكتى»، «كەڭەيتۋ مەن ءۇشىن قىمبات بولادى».

شىندىعىندا، بۇل قورقىنىشتىڭ كوپشىلىگى نەگىزسىز. ەگەر سىزدە ناقتى بەلگىلەنگەن ستراتەگيا جانە سەنىمدىلىك بولسا، ناتيجە بەرەدى. شەتەلدىك تۇتىنۋشىلار ءارقاشان تەك ءىرى كومپانيالاردىڭ تاۋارلارىن نەمەسە قىزمەتتەرىن ساتىپ العىسى كەلمەيدى. ەگەر ءسىزدىڭ ءونىمىڭىز ساپالى جانە كليەنتتەر ءۇشىن ماڭىزدى بولسا، ءسىز ولاردى قىزىقتىرا الاسىز جانە باسەكەلەس بولا الاسىز.

ينۆەستيتسيانىڭ قايتارىمى تۋرالى الاڭداماڭىز — باستىسى بيزنەس-جوسپاردى دۇرىس قۇرىپ، ونى ۇستانۋ. سونىمەن قاتار، جارناما جاساۋ ءۇشىن قىمبات قۇرالداردى پايدالانۋ قاجەت ەمەس.

جاڭا نارىققا شىعۋ كەزىندە ماكسيمۋمعا قالاي جەتۋگە بولادى؟

1. دايىن بولىڭىز

ءسىزدى قىزىقتىراتىن ايماقتى زەرتتەڭىز. ءوزىڭىزدىڭ مىقتى جاقتارىڭىزدى باعالاڭىز جانە ماقساتتار قويىڭىز.

ونىمدەردى جاڭا نارىققا بەيىمدەۋ كەرەك.

ستراتەگيا مەن بيزنەس-مودەل تۋرالى شەشىم قابىلداڭىز.

بيزنەس جوسپار قۇرىڭىز (تولىق ماركەتينگتىك زەرتتەۋلەر، نارىقتىق فاكتىلەر، باسەكەلەستىك جاعداي، USP ونىمدەرى، ستراتەگيا جانە ماقساتتار ءبىر قۇجاتتا)

2. ارەكەت

ماركەتينگتىڭ نەگىزگى ماتەريالدارىن (كومپانيانىڭ سيپاتتاماسى، ونىمدەر مەن قىزمەتتەر، پرەزەنتاتسيا جانە ۆەب-سايت) سول ايماقتىڭ تىلىندە جاساۋ.

ساتۋدىڭ ءتيىستى ارنالارىن تاڭداڭىز (تىكەلەي، الەۋمەتتىك جەلىلەر، سالالىق سايتتار)

سەرىكتەستەردى تابىڭىز (قاجەت بولسا) ءبىرىنشى تاپسىرىس بويىنشا لوگيستيكانى قولدانىپ كورىڭىز.

3. دامي بەرىڭىز

ونىمدەردى نەمەسە قىزمەتتەردى جىلجىتۋ جانە برەند قۇرۋ.

قىزمەتكەرلەردى جالداۋ.

ساتۋدى كەڭەيتىڭىز.

كليەنتتەردىڭ تاجىريبەسىن جاقسارتۋ.

دايىنداعان: قىرمىزى

قاينار: يىنتەرنەتتەن | رەداكتور: ايگەرىم | كورىلىم : 411 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز