ەكىنشى دۇنيەجۇزىلىك سوعىس: ەۋروپالىق اۆتورلار شىعارماسى - كەرۋەن تورابى

ەكىنشى دۇنيەجۇزىلىك سوعىس: ەۋروپالىق اۆتورلار شىعارماسى

ەكىنشى دۇنيەجۇزىلىك سوعىس الەمنىڭ بارلىق تۇرعىنىنا ءوز زاردابىن تيگىزدى. بۇگىن ناعىز قايناعان سوعىس ءجۇرىپ جاتقان ورتادا قالىپ قويعان ەۋروپا تۇرعىندارىنىڭ ءومىرىن باياندايتىن شىعارمالاردى ۇسىنامىز.

1. «قۇستار كوشەسىندەگى ارال»

ۋري ورليەۆ

شىعارما بىرنەشە جۇلدەنىڭ يەگەرى اتانىپ، ەكىنشى دۇنيەجۇزىلىك سوعىس تۋرالى ۇزدىك كىتاپتار تىزىمىنە كىرەدى، كىتاپ جەلىسى بويىنشا فيلمدە تۇسىرىلگەن. «قۇستار كوشەسىندەگى ارال» ۆارشاۆا كوشەلەرىنىڭ قيراندىلارى اراسىندا جالعىز قالعان 11 جاسار يەۆرەي بالاسىنىڭ باسىنان كەشكەندەرىن باياندايدى.

بالا ازىرگە كۇنەلتەتىن باسپانا ىزدەپ كەتەدى. جارتىلاي قيراعان ءۇيدى تاۋىپ الىپ، سول جەردى مەكەندەيدى. كۇن سايىن كەزدەسەمىز دەپ ۋادەلەسكەن اكەسىن كۇتۋمەن بولادى. كۇن سايىن نەمىس ساربازدارى جاقىنداپ كەلەدى، ال ونىڭ ءۇمىتى سول كۇيى وشپەيدى.  شىعارما وقيعالار ارقىلى رۋحتىڭ كۇشتىلىگى مەن ادام سەنىمىنەن ارتىق قۇدىرەتتى ەشنارسە جوعىن كورسەتەدى.

2. «مايدان كەزىندەگى قىس»

يان تەرلاۋ

بۇل كىتاپتا وقىرماندار اراسىندا جوعارى سۇرانىسقا يە بولىپ، جەلىسى بويىنشا كينو تۇسىرىلگەن بولاتىن. العاش رەت 1972- جىلى جارىققا شىقتى. بۇل كىتاپ — بيوگرافيالىق. باس كەيىپكەر سەكىلدى اۆتور يان تەرلاۋ دا قورشاۋدا قالعان اۋىلدا ءومىر سۇرگەن.

ميحيل ەسىمدى كەيىپكەر — قاراپايىم جاسءوسپىرىم. سوعىس ونىڭ كۇندەلىكتى ءومىرىنىڭ استان- كەستەڭىن شىعاردى. اكەسىن اتىپ تاستايدى. ءبىر كۇنى ميحيل دوسىنان حات الادى. بۇل وعان رۋح بەرىپ، ول ءوز ءومىرىن قۇرباندىققا شالىپ، وزگەلەرگە كومەكتەسەدى، ادامداردى امان الىپ قالادى. تۋىندى ادامدى باتىر ەتەتىن تاڭداۋ قۇقىعى مەن ادامگەرشىلىك جايىندا.   شىعارما سوڭىندا كەيىپكەرلەردىڭ ءبىرى ميحيلگە: «ءماسساعان! نەبارى ون التى جاس! ءبىراق شاشىڭنىڭ ءبارى اعارىپ كەتىپتى»، — دەيدى. بۇل ارقىلى ونىڭ قانداي قيىندىقتى باسىنان وتكەرگەنىن اڭعارۋعا بولادى.

3. «42 كۇن»

سيلەن ەدگار

نەمىستەر قورشاۋىندا قالعان فرانتسيا، 1942- جىل. ەكى ۇل بالا، ۇلكەنى ساشا مەن ونىڭ كىشكەنتاي ءىنىسى جاكوبتان ءبارى كەنەتتەن تەرىس اينالادى. سىنىپتاستارى ولاردى كورگىسى جوق. ولاردى وتباسىسى پاريجدان كوشۋدى ۇيعارادى. بالالار تۋىستارى جاننىڭ ۇيىندە قالادى. ول اقىلىنان اداسقانداردى اسىرايتىن پانسيوننىڭ يەسى. ءبىراق، بۇل جەر تەك اقىل ەسىنەن الجاسقاندار عانا ەمەس، پانا ىزدەگەن يەۆرەيلەردىڭ باسپاناسىنا اينالادى. 42 كۇن ىشىندە ساشا بالالىقتىڭ بىتكەنىن، سوعىستىڭ ويىن ەمەس، قورقىنىش پەن ءولىم ەكەنىن تۇسىنەدى. ول ەندى وڭايلىقپەن بەرىلمەي كەرەگىن ۇعادى.

قاينار: يىنتەرنەتتەن | رەداكتور: اراي | كورىلىم : 202 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز