اۋەبيكەشى ۇشاقتاعى داياشى ەمەس - كەرۋەن تورابى

اۋەبيكەشى ۇشاقتاعى داياشى ەمەس

كوبى اۋەبيكەشىنىڭ جۇمىسى جولاۋشىلاردى قارسى الىپ، ورىندارىنا جايعاستىرىپ، تاماق تاراتۋمەن اياقتالادى دەپ ويلايدى. الايدا اۋەبيكەشىنىڭ قىزمەتى ءسىز ويلاعاننان الدەقايدا ماڭىزدى. 

اۋەبيكەشى ۇشاققا وتىرعان ءارءبىر جولاۋشىنىڭ كوڭىل- كۇيىن انىقتاپ قانا قويماي، ولاردىڭ قاۋىپسىزدىگىنە جاۋاپ بەرەدى. ول ءۇشىن ءارءبىر اۋەبيكەشى پسيحولوگيانى جەتىك مەڭگەرىپ، ادامعا ءبىر قاراعاننان ونىڭ جاي-كۇيىن تانۋى قاجەت.

جولاۋشىلاردى ۇشاققا كىرە بەرىستە ەكى اۋەبيكەشى قارسى الادى. ولاردىڭ مىندەتى مىناداي:

سالەمدەسۋ

ءارءبىر جولاۋشىمەن سالەمدەسكەندە اۋەبيكەشى ولاردىڭ سويلەسۋ مانەرىنە، اشىقتىعىنا ءمان بەرەدى. وسىلايشا ۇشۋ بارىسىندا كىممەن ارتىق سويلەسپەۋ كەرەگىن، كىمگە كوبىرەك كوڭىل بولۋ كەرەگىن انىقتايدى. 

دەنە بىتىمىنە ءمان بەرۋ

توتەنشە جاعدايدا ءىرى دەنەلى ەر ادامنىڭ كومەگى قاجەت بولۋى مۇمكىن. سوندىقتان كوبىنەسە اۋەبيكەشى ءىرى دەنەلى جولاۋشىنى اپات جاعدايىنا ارنالعان ەسىكتىڭ جانىنا وتىرعىزادى. ۇيتكەنى توتەنشە جاعدايدا ەسىكتى اشۋ ءۇشىن كۇش قاجەت.

اۋىرىپ تۇرعان نە ىشىمدىك ىشكەن ادامدى انىقتاۋ

اۋەبيكەشى ۇشاققا وتىرعان جولاۋشىلاردىڭ اراسىنان الكوگول ىشكەن نە اۋىرىپ تۇرعان ادامدى انىقتاۋى ءتيىس. ۇيتكەنى ۇشۋ بارىسىندا ولاردى باقىلاپ وتىرۋ قاجەت. اۋىرىپ تۇرعان ادامعا كەز كەلگەن ساتتە كومەك كەرەك بولۋى مۇمكىن، ال ىشىمدىك ىشكەن جولاۋشى شۋ شىعارۋى عاجاپ ەمەس.

ۇرەيلەنۋ ناۋقاسى بار جولاۋشىنى انىقتاۋ

كەيبىر ادام ۇشاقتا ۇشۋدان قورقۋى مۇمكىن. سوندىقتان اۋەبيكەشتەرى بارىنشا ۇرەيلەنۋ ناۋقاسى بار جولاۋشىعا كومەك قولىن سوزادى. قاجەت بولسا پسيحولوگيالىق كومەك بەرەدى.

قاينار: قازاقىستان تورابى | رەداكتور: اراي | كورىلىم : 265 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز