مارگارەت ميد: «ءارقاشان، وركەنيەتتى بولا ءبىلىڭىز» - كەرۋەن تورابى

مارگارەت ميد: «ءارقاشان، وركەنيەتتى بولا ءبىلىڭىز»

ءبىر ستۋدەنت بەلگىلى انتروپولوگ مارگارەت ميدكە «ادامزات مادەنيەتىندەگى وركەنيەتتىڭ العاشقى بەلگىسى قاي كەزدەن باستاۋ الادى؟» دەگەن سۇراقتى قويعان ەكەن. ويلاعان عوي، عالىم قارماقتىڭ ىلگەگى پايدا بولىپ، العاشقى قىش قۇمىرالار مەن قايراقتى قولدانا باستاعان كەزدەن مىسال كەلتىرەتىن شىعار دەپ. سويتسە، مارگارەت حانىم «ەجەلگى مادەنيەتتەگى وركەنيەتتىڭ العاشقى كورىنىسى - ادامنىڭ سىنىپ، سوسىن، قالپىنا كەلگەن جامباس سۇيەگى» دەگەن ەكەن.

ماسەلەنىڭ ءمانىسىن ۇقپاي قالعان ستۋدەنتكە ميد حانىم جانۋارلار الەمىندە اياقتى نەمەسە جامباستى سىندىرۋ- كوپ ۇزاماي اجال قۇشۋ ەكەنىن..، قوزعالا الماي، شوڭقايىپ قالعان ادام قاۋىپ- قاتەردەن قاشىپ قۇتىلا المايتىنىن..، وزدىگىنەن اڭ اۋلاپ، ءتىپتى، سۋاتقا دا بارا المايتىنىن..، كەز- كەلگەن جىرتقىشقا جەم بوپ نەمەسە اشتان ولەتىنىن تۇسىندىرە كەلىپ، «جامباس سۇيەكتىڭ جازىلۋى - بۇكىل ادامزات ءومىرىنىڭ وركەنيەت باستاۋى» ەكەنىن دالەلدەپ بەرىپتى.

عالىمنىڭ ايتۋىنشا، سىنىپ، قايتا قالپىنا كەلگەن جامباس سۇيەك - جاراقات العان ادامعا ايتەۋىر بىرەدۋىڭ كوڭىل بولگەنىن، جاراسىن تاڭىپ، ونى قاۋىپسىز جەرگە ورنالاستىرعانىن، جارالى ادام ايىققانشا ونى تاماقتاندىرىپ، قامقورلىعىنا العانىن ءبىلدىرەدى.

«بىرەۋگە قيىنشىلىقتى جەڭۋ ءۇشىن جاردەمدەسۋ، قول ۇشىن بەرۋ، مىنە، وركەنيەتتىڭ باستاۋى دەگەنىمىز - وسى! ءبىز، تەك، وزگەگە كومەكتەسكەندە، قىزمەت كورسەتكەندە عانا وركەنيەتتى ادامي كەلبەتىمىزدى ساقتايمىز. ءارقاشان، وركەنيەتتى بولا بىلىڭىز!» دەيدى، مارگارەت ميد.

قاينار: قازاقىستان تورابى | رەداكتور: اراي | كورىلىم : 195 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز