باقىتتى سەزىنۋدى جاڭا ءتىل يگەرگەندەي ۇيرەنۋگە بولادى - كەرۋەن تورابى

باقىتتى سەزىنۋدى جاڭا ءتىل يگەرگەندەي ۇيرەنۋگە بولادى

ترەنتو ۋنيۆەرسيتەتىنىڭ عالىمدارى ءوزىن ۇنەمى باقىتتى سەزىنۋدى ۇيرەنۋگە بولاتىنىن دالەلدەدى. ولار بۇل تۋرالى ارنايى پسيحولوگيالىق «ينتەنسيۆ» كۋرس دايىنداپ، تەوريانى تاجىريبە جۇزىندە دالەلدەدى. عالىمدار بۇل جاڭا ءتىل ۇيرەنۋ نەمەسە بالشىقتان قۇمىرا جاساۋ سياقتى يگەرىپ الۋعا بولاتىن ونەر ەكەنىن ايتادى.

كۋرستا ءوز ومىرىنە شۇكىرشىلىك ەتىپ، ادەمى ومىرگە دەگەن كوزقاراستى دۇرىس قالىپتاستىرۋ، ءوزىن- ءوزى تانۋ جانە ەموتسياسىن رەتتەۋ سياقتى داعدىلار وقىتىلادى. قاتىسۋشىلار ءوز بويلارىنداعى الاڭداۋشىلىقتىڭ ەداۋىر ازايعانىن جانە ونىمەن بىرگە سترەسس، جاعىمسىز ويلار، اشۋشاڭدىق پەن وتىرىك ايتۋى تومەندەگەنىن حابارلادى.

«باتىستىڭ دا، شىعىس فيلوسوفيالىق داستۇرلەرىندە دە باقىت ىشكى تەپە-تەڭدىكتىڭ، وزىنە جانە الەمگە دەگەن ىزگى نيەت پەن ادامنىڭ اقىل-ويىنىڭ دامۋىمەن تىعىز بايلانىستى دەگەن يدەيا ايتىلادى»، - دەيدى زەرتتەۋشى نيكولا دە پيزاپيا.

وقىتۋ بارىسىندا فيلوسوفيا مەن تەوريالىق ءىلىم مەديتاتسيا پراكتيكاسىمەن ۇشتاستىرىلدى. قاتىسۋشىلار پسيحولوگيا، نەيروبيولوگيا نەگىزدەرىن، باتىس فيلوسوفياسى مەن بۋدديزم تاريحىن زەرتتەدى. ميدى زەرتتەۋگە ەرەكشە نازار اۋدارىلدى. اتاپ ايتقاندا، نەيروپلاستيكا، سترەسس پەن مازاسىزدىقتىڭ فيزيولوگياسى، اۋىرسىنۋ مەن ءلاززات الۋ، جاعىمدى جانە جاعىمسىز ەموتسيالار، ارماندار مەن قاجەتتىلىكتەر، ءوزىن- ءوزى باعالاۋ، ەمپاتيا مەن جاناشىرلىق سەزىمدەرىنە كوڭىل بولىندى. 

باقىتقا جەتۋ ءۇشىن پسيحوتەراپيا كۋرسى جەتكىلىكتى ەكەن.

قاينار: يىنتەرنەتتەن | رەداكتور: سارماي | كورىلىم : 459 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز