وزگەرگىڭىز كەلسە... - كەرۋەن تورابى

وزگەرگىڭىز كەلسە...

وزگەرگىڭىز كەلسە...

ماقساتىڭىزعا جەتىپ، ءوزىڭىزدى وزگەشە قىرىڭىزدان تانىعىڭىز كەلسە، كۇندەلىكتى ءومىرىڭىزدى 180°C قا وزگەرتۋ كەرەك. جوسپار قۇرىپ، جامان ادەتتەردى تىيىپ، ارەكەتتەرىڭىزدى جۇيەلەسەڭىز، ءومىرىڭىز ماندىرەك بولا تۇسەتىنى بەلگىلى. بارلىعى ءوز قولىڭىزدا، تەك سونى ءتيىمدى پايدالانا بىلسەڭىز بولعانى. ولاي بولسا، مىنا كەڭەسىمىزگە قۇلاق تۇرە وتىرىڭىزدار. بالكىم، كومەگى ءتيىپ قالار.

1. جوسپار قۇرىڭىز.

قۇر قيالعا بەرىلمەڭىز، ءىس-ارەكەتپەن جۇمىس ىستەڭىز. ناقتى جوسپار قۇرىڭىز: كۇن سايىن جاتتىعىڭىز، كىتاپ وقىڭىز، سەرۋەنگە شىعىڭىز.

2. جارقىن ءساتتى ءوزىڭىز جاساڭىز.

جارقىن ءسات — بۇل جەمىستى جەڭىس شاعى. ءار جەڭىس ادامدى وزگەرتە تۇسەدى. رۋح، كۇش بەرەدى. جەڭىستى ۇنەمى ىزدەپ ءجۇرۋ كەرەك. مىسالى، رۋحاني بايىعىڭىز كەلسە، ءبىر ۋاقىت تاۋىپ كىتاپ وقىڭىز. ءارءتۇرلى جانرداعى شىعارمالارمەن، زياتكەرلىگىڭىزدى دامىتاتىن كىتاپتارمەن سۋسىنداڭىز. سوڭىندا، بۇرىن- سوڭدى ءمان بەرمەگەن زاتتاردى باسقا قىرىنان تانىپ، ءوزىڭىزدىڭ اقىلىڭىزدىڭ ەسەلەنگەنىن بىرتە- بىرتە بايقايسىز.

3. ماقساتىڭىزدى سۋرەتتەي ءبىلىڭىز. 

ءوز ماقساتىڭىزدىڭ سۋرەتىن اق پاراققا سالىپ قويىڭىز. مىسالى، ىسكەر بولامىن دەسەڭىز، وعان جەتەر جولدى جول كارتاسى سەكىلدى بەينەلەڭىز. سوندا، بارار مەجەڭىزگە ءالى قانشا قادام بار ەكەنىن شامالاپ وتىراسىز.

4. ءىس- ارەكەتتى وزگەرتىڭىز.

ەگەر ءوزىڭىز ارىلا الماي جۇرگەن ادەتىڭىز بولسا، ونى باسقا ارەكەتپەن الماستىرىڭىز. ماسەلەن، اعزاڭىزعا زيان كەلتىرەتىن ونىمدەردى كوپ تۇتىناتىن بولساڭىز، ءتىپتى ولارسىز كۇنىڭىزدى ەلەستەتە الماساڭىز، سىزگە مىناداي كەڭەس بەرەمىز. بۇل تاعامداردى اپتاسىنا تەك ءۇش رەت قانا جەڭىز دە، ءبىر رەت سپورت زالعا بارىپ، دەنەڭىزدى شىنىقتىرىپ تۇرىڭىز. كەيىن ۋاقىت وتە كەلە ورىندارىن الماستىرىڭىز، ياعني، اپتاسىنا ءۇش رەت سپورت زالعا بارىپ، ءبىر رەت سۇيىكتى تاعامدارىڭىزبەن ءوزىڭىزدى ءبىر «ەركەلەتىپ» الىڭىز.

5. جاعدايعا قاراپ جۇمىس ىستەڭىز.

ەگەر جاعداي اياق استىنان وزگەرەتىن بولسا، ءسىزدىڭ مىنەزىڭىز دە وزگەرەدى. نە كوڭىل- كۇيىڭىز تۇسەدى نە اشۋلاناسىز. بۇنى پسيحولگيالىق جولمەن وزگەرتۋگە بولادى. ءوزىڭىزدى سابىرعا شاقىرىڭىز. «نەگە بۇلاي بولدى؟»، «بۇلاي بولماعاندا، بۇلاي بولاتىن ەدى» دەگەندى دوعارىڭىز، وتكەنگە وكىنۋگە ۋاقىت جوق!

6. ادەتتەرىڭىزدى ءبىر ىزگە سالىڭىز.

حوببي، ماشىق دەگەن دۇنيەلەر ءوز ۋاقىتىمەن ءوز كەڭىستىگىندە بولۋى كەرەك. ماسەلەن، جۇمىس ۇستەلىندە الەۋمەتتىك جەلىدە ەمەس، جۇمىسپەن وتىرىڭىز.

7. ءوزىڭىز سەكىلدى جاندى ىزدەڭىز.

بۇنىڭ ماحابباتقا قاتىسى جوق. بۇل جەكە وزىڭىزگە قاتىستى. «ءوزىمدى وزگەرتەمىن» دەسەڭىز، سىزدەن دە كورگەنى مەن بىلگەنى كوپ جانە سىزدەن دە بيىك ويلايتىن دوسىڭىزدىڭ بولعانى دۇرىس. سپورت زالدا شىنىعىپ ءجۇرىپ، ءسىز سەكىلدى ماقسات قۇرعان ادام بولسا، كەڭەس سۇراپ، وي بولىسە ءجۇرىڭىز.

قاينار: يىنتەرنەتتەن | رەداكتور: اراي | كورىلىم : 521 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز