بەلسىزدىككە بەس سەبەپ - كەرۋەن تورابى

بەلسىزدىككە بەس سەبەپ

بۇل تۋرالى ايتۋ كەرەك! ەر ادامداردىڭ دارىگەرگە اسا بارا بەرمەيتىنى بەسەنەدەن بەلگىلى. ءبىراق ساقتانىپ جۇرگەننىڭ زيانى جوق. بەلسىزدىك — ادامدار اراسىندا بەلەڭ العان اسا حاۋىپتى دەرت. سونىڭ ىشىندە كەيبىر سەبەپتەردى كوشىلىگىنىڭ ءوز قولىمەن جاساپ الاتىنى وكىنىشتى. ونىڭ ءبارى بىلمەستىكتەن تۋىندايدى. ال ءسىز ءبىلىپ ءجۇرىڭىز.

قويىن كومپيۋتەر (نوۋتبۋك).

ەر ادامدارعا قويىن كومپيۋتەردى ەشقاشان تىزەگە قويىپ وتىرىپ جۇمىس ىستەۋگە بولمايدى. امەريكانىڭ ستوني برۋك ۋنيۆەرسيتەتىنىڭ عالىمدارى انىقتاعانداي، ەر ادامداردىڭ اعزاسىنا كومپيۋتەردەن بولىنەتىن جىلۋدىڭ قاتەرى مول ەكەن. ولار ادەتتە ەر ادامنىڭ ەڭ تومەنگى تەمپەراتۋرانى ۇستاپ تۇراتىن دەنە مۇشەسىن قىزدىرادى. وسىدان كەلىپ ولاردىڭ ءبىر اي بويى بالا جاساۋ قابىلەتى ناشارلايتىنى انىقتالعان. قويىن كومپيۋتەر ۇنەمى تىزەدە تۇراتىن بولسا، بەلسىزدىك بولۋ قاۋپى جوعارىلايدى.

سىرا.

قانداي دا الكوگول ىشىمدىكتەرىنىڭ ادام اعزاسىنا زيان ەكەنى انىق. ال سىرانىڭ ناعىز بەلسىزدىكتى تۋدىراتىن ىشىمدىك ەكەنى دالەلدەنگەن. اسىرەسە ەرلەر جاعىنىڭ «سۇيىكتى» سۋسىنىنا اينالعان سىرا قان تامىرلارىنىڭ وتكىزگىشتىك قاسيەتىن جوعارىلاتىپ، جۇمىرتقا جاسۋشالارىنىڭ قورعانىس قابىلەتىن بۇزادى دا، باۋىردان بولىنەتىن ۋلى زاتتاردىڭ مولشەرىن ارتتىرادى. ءسويتىپ ول باۋىردىڭ قىزمەتىن بۇزىپ قانا قويماي، ەر ادامداردىڭ الەۋەتىن تومەندەتۋگە سەبەپ  بولادى. ودان بولەك سىرانىڭ قۇرامىنداعى الكاگول ەستروگەننىڭ قىزمەت جۇيەسىن بۇزىپ، ەر ادامداردىڭ كۇش- قۋاتىن السىرەتەدى. ەكىنشىدەن، سىرانىڭ قۇرامىنداعى فيتوەستروگەندەر ايەلدەردىڭ بويىنداعى تابيعي گارمونداردىڭ ءبىر ءتۇرى رەتىندە بەلگىلى. سودان ەركەكتەردىڭ اعزاسىنا ايەل ادامداردىڭ گارمونى كوبەيەدى دە، ولاردىن ايەلدەر سياقتى قارنى شىعىپ، ءتوسى ۇلكەيىپ كەتەدى.

ۇيالى تەلەفون نەمەسە ۆيبروقۇرىلعىلار.

ەر ادامدارعا ۇيالى تەلەفون پايدالانبا دەي المايمىز. تەك ايتارىمىز، شالبارىڭىزدىڭ قالتاسىنا سالۋشى بولماڭىز! تاعى دا امەريكالىق عالىمداردى العا سالۋعا ءماجبۇرمىز. ولاردىڭ زەرتتەۋلەرىنىڭ ناتيجەسى كورسەتكەندەي، ۇيالى تەلەفونمەن سەيلەسكەن ۋاقىتتار عانا ەمەس، قوڭىراۋ كەلگەندەگى ۆيبراڭيانىڭ ءوزى ەر ادامداردىڭ اعزاسىنا كەرى اسەر ەتىپ، سپەرماتوزويدتاردىڭ قۇرامىن بۇزادى. عالىمدار ۇيالى تەلەفونىن ەر ادام اعزاسىنا كەرى اسەر ەتۋىنىڭ سەبەبى ودان بولىنەتىن جىلۋ مەن ەلەكترەماگنيتتىك رادياتسيا دەپ تاپتى.

ينفەكتسييا.

كەز كەلگەن اۋرۋ ييفەكتسيادان پايدا بولادى. ييفەكتسيا سۋىقتان نەمەسە تازا جۇرمەگەننەن تۋىندايتىن ادام اعزاسىنداعى زياندى زاتتار. سۋىقتان بولاتىن تۇماۋ، گريپپ سياقتى اۋرۋلارمەن قوسا، ۇشىق، تەرى اۋرۋلارى سياقتى جۇقپالى اۋرۋلاردى ەر ادامدار اسا كوپ ەلەي قويمايدى. ولار ءبىر جاعىنان ايتۋعا ۇيالسا، ەكىنشى جاعىنان ۇيدە ەمدەلگەندى جانى سۇيەدى. باتىرلىق پەن تاكاپپارلىقتىڭ كەرەگى جوق. سەبەبى اۋرۋ اسقىنسا، ءسىزدىڭ «ەڭ قىمبات جەرىڭىزدى» زاقىمدايدى. ايتا كەتەيىك، يافەكتسيانى جۇقتىرۋدىڭ ەڭ حاۋىپتى جولىن ءىشىڭىز ءبىلىپ وتىرعان شىعار. جىنىستىق جولمەن جۇعاتىن اۋرۋلار– بەلسىزدىكتىڭ بىردەن-ءبىر سەبەبى.

سترەسس.

ادام ۇنەمى شارشاڭقى جۇرەدى. ودان كەلىپ اشۋلانادى. بىرەۋمەن سوزگە كەلىپ قالادى. مۇنىڭ ءبارى دەنساۋلىققا زيان ەكەنى بەلگىلى. ال ونىڭ بەلسىزدىككە تىكەلەي حاۋىپتى ەكەنىن بىلەمىز بە؟ يتاليا عالىمدارى ەر ادامداردىڭ بەلسىزدىگىن زەرتتەي كەلە بەلسىزدىك باستى سەبەپتەرىنىڭ ءبىرى — سترەسس ەكەنىن انىقتاعان. ۇزاق ۋاقىت بويى سترەستە جۇرەتىن ادامدار دا، تەز اشۋلانىپ، تەز شارشايتىن ادامدار دا بەلسىزدىككە دۋشار بولۋى مۇمكىن.  سوندىقتان كۇندەلىكتى  تىرلىكتە  كەزدەسەتىن  كەيبىر كەلەڭسىزدىكتەردى جۇرەككە جاقىن الماي. اينالىپ وتۋگە تىرىسقان دۇرىس.

بەلسىزدىكتەن ساقتانۋدىڭ جولدارىندا ەلەكتروماگنيتتىك رادياتسيانى تۋدىراتىن تروللەيبۋس، ترامۆاي سياقتى ەلەكتر قۋاتىمەن جۇرەتىن تاسىمال كولىكتەرىن جۇرگىزبەۋ تۋرالى ايتىلادى. سونىمەن بىرگە تەمەكى تارتۋ، از ۇيىقتاۋ، دۇرىس تاماقتانباۋ سياقتى جاعىمسىز فاكتورلاردان اباي بولعانى دۇرىس.

قاينار: يىنتەرنەتتەن | رەداكتور: جايلاۋ | كورىلىم : 592 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز